高海寧私下少跟楊明聯絡 王浩信：飲咗酒真係唔好揸車

王浩信、張振朗、高海寧等出席下周首播的無綫劇集《反黑路人甲》宣傳。提到楊明於今日凌晨涉嫌酒駕導致交通意外，高海寧與楊明主演的劇集《迷網》正在播出，她表示不知道事件的來龍去脈，故不多作評論。提到樂易玲指楊明當時可能因壓力過大、疲勞或其他狀況。問到可有聽過楊明身體不適？高Ling說：「工作以外，我同佢好少私底下聯絡。」
王浩信則歎謂：「唉，我都唔知講咩好，作為同事，最緊要人冇事。飲咗酒，真係唔好揸車。自己如果預咗會飲酒，都係會坐人車或者call車。」張振朗都認為最緊要人無事，他表示暫不會以訊息慰問對方。王浩信說：「見到面再關心佢。（有否覺得他不珍惜公司給予機會？）呢啲嘢唔輪我哋去講，我哋演員都係做番自己本分。」