【錄音必食】隔離14日後首開工 劉浩龍興奮介紹腸仔兔治牛飯
2020-08-04 09:00 
今年六月，劉浩龍(師兄)去咗內地拍古裝片，因為疫情關係，香港返內地要隔離，內地返香港都要隔離，7月21日終於完成悶到慌嘅隔離生活。
首先佢去咗剪頭髮，估唔估到佢剪完嘅感受?冇錯，就係舒服晒。開心嘢唔好畀佢停，尋日佢就去咗舒文錄音室度錄音，佢話好耐冇去，又估唔估到佢有咩感受?冇錯，就係好耐冇見，當然係同支咪講啦，但佢重點唔係想講錄音，係佢想講盒兔治牛飯，當事人寫到明食足八年都唔厭，除咗盒飯，仲有個港式羅宋湯，師兄形容味道相當Old School。
聽吓喺錄音室食飯嘅興奮仔點講，「隔離14日後第一日開工，喺呢度錄咗八年，每次都會食呢個飯，最old school嘅兔治牛肉飯加蛋同羅宋湯，點解我咁鍾意食呢個飯?因為好少喺啲肉入面有腸仔㗎，而家已經五點，我特登晏都唔食上嚟食呢個飯，食完我就有氣有力唱歌嘞。」
關鍵字
最新回應