活到老學到老 50歲李嘉欣學彈結他

大美人李嘉欣同許晉亨結婚12年，獨子許建彤（Jayden Max）話咁快已9歲，雖然剛踏入50歲，但呢位1988年港姐冠軍仍然好靚，佢仲好好學，呢期學人彈結他，尋日佢仲喺IG上載咗一段掃chord Story，當然冇聲得畫，所以唔知佢彈成點，而大美人都有問Fans有咩歌啱初學者彈，咁你哋有提議就話聲佢知啦。

另外，住大宅嘅大美人當然唔使擔心健身室閂晒，出街跑步又要戴口罩，因為佢屋企有張乒乓波枱，就算幾曬幾熱幾大雨都可以在家舒服地做運動。