【录音必食】隔离14日后首开工 刘浩龙兴奋介绍肠仔兔治牛饭
2020-08-04 09:00 
今年六月，刘浩龙(师兄)去咗内地拍古装片，因为疫情关系，香港返内地要隔离，内地返香港都要隔离，7月21日终于完成闷到慌嘅隔离生活。
首先佢去咗剪头发，估唔估到佢剪完嘅感受?冇错，就系舒服晒。开心嘢唔好畀佢停，寻日佢就去咗舒文录音室度录音，佢话好耐冇去，又估唔估到佢有咩感受?冇错，就系好耐冇见，当然系同支咪讲啦，但佢重点唔系想讲录音，系佢想讲盒兔治牛饭，当事人写到明食足八年都唔厌，除咗盒饭，仲有个港式罗宋汤，师兄形容味道相当Old School。
听吓喺录音室食饭嘅兴奋仔点讲，「隔离14日后第一日开工，喺呢度录咗八年，每次都会食呢个饭，最old school嘅兔治牛肉饭加蛋同罗宋汤，点解我咁锺意食呢个饭?因为好少喺啲肉入面有肠仔㗎，而家已经五点，我特登晏都唔食上嚟食呢个饭，食完我就有气有力唱歌嘞。」
關鍵字
最新回应