【新進KOL】孤獨的橫店美食家 劉浩龍挑戰靜英英雲吞店

2020-06-26 20:00
劉浩龍變身飲食界KOL,一支公去試雲吞。
劉浩龍變身飲食界KOL,一支公去試雲吞。

就咁嘅,劉浩龍(師兄)去咗橫店拍戲,仲要係古裝片,人生第一次拍古裝,佢好興奮因為好有新鮮感。開咗十幾日工終於放假,師兄就一支公拎住支自拍神棍開始加入KOL大軍,咁佢係邊方面嘅KOL呢?係飲食界嘅。

劉浩龍變身飲食界KOL,一支公去試雲吞。
劉浩龍變身飲食界KOL,一支公去試雲吞。
因為成日經過都發現間舖冇人,搞到師兄好想試。
因為成日經過都發現間舖冇人,搞到師兄好想試。

放假嘅師兄就去搵嘢食,「酒店行出嚟呢條街,八分鐘,呢條街好多嘢食,一直見到有間雲吞舖好想入去試。」點解師兄咁想試?「因為好乾淨,同埋永遠都冇人,阿媽教落,冇人就唔好入去,但我偏向虎山行。」然後師兄真係入咗名叫財記嘅舖頭,佢話睇吓佢咩料先,首先佢影吓個廚房,真係好乾淨,再影店面,真係冇人,最後影吓餐牌,價錢由1.5蚊至25蚊,最貴係25蚊嘅蝦仁大雲吞,最平個半嘅五香雞蛋。

然後佢真係入去試,的確廚房好乾淨。
然後佢真係入去試,的確廚房好乾淨。
店面真係一個人都冇。
店面真係一個人都冇。

師兄先叫咗碗大嘅韭菜雲吞,食評係,「好食喎,個皮好薄,呢度叫親啲餃子,個皮都好厚。」之後再叫多一碗小雲吞,「小雲吞仲好食,間舖冇做外賣,老闆好有性格,一直目測揀食店食嘢,又成功咗一次,抵我行到身水身汗落嚟,好食。」讚完仲舉起手指公。

鏡頭一轉,師兄就調咗位坐咗喺廚房隔離,自拍自己仲見到老闆,佢話好鍾意食完嘢同老闆傾吓偈,從而知道點解舖頭咁新咁乾淨,「原來間舖同我嚟呢度嘅日子差唔多,開咗11日咋,老闆之前間舖喺附近開咗八年,都算係老店,好食,食到好飽只係24蚊。」講完再喺老闆面前舉多次手指公,老闆好嘢,師兄講咁耐拍咁耐,佢半秒都無望過鏡頭。

餐牌唔多選擇,價錢由1.5蚊至25蚊。
餐牌唔多選擇,價錢由1.5蚊至25蚊。
老闆好用心包緊雲吞,半眼都冇望過鏡頭。
老闆好用心包緊雲吞,半眼都冇望過鏡頭。
老闆煮緊嘅係師兄order嘅韭菜雲吞。
老闆煮緊嘅係師兄order嘅韭菜雲吞。
賣相唔錯,師兄都話正。
賣相唔錯,師兄都話正。
師兄話又要拎棍又要食,隻手好攰。
師兄話又要拎棍又要食,隻手好攰。
食後感,睇佢手指公就知。
食後感,睇佢手指公就知。
再叫多碗小雲吞。
再叫多碗小雲吞。
師兄讚小雲吞更好食。
師兄讚小雲吞更好食。
師兄忍唔住喺老闆面前畀Like,阿老闆都係無望鏡頭。
師兄忍唔住喺老闆面前畀Like,阿老闆都係無望鏡頭。
同完老闆傾偈,師兄好滿足。
同完老闆傾偈,師兄好滿足。
好食又平,師兄伸晒脷好招積。
好食又平,師兄伸晒脷好招積。
師兄話拍咗十幾年戲第一次拍古裝,所以表現興奮。
師兄話拍咗十幾年戲第一次拍古裝,所以表現興奮。
關鍵字

最新回應

關鍵字

相關新聞

熱門文章