星島日報

【錄音必食】隔離14日後首開工 劉浩龍興奮介紹腸仔兔治牛飯

2020-08-04 09:00
每次去舒文錄音室錄音,師兄都會外賣呢個古早味腸仔兔治牛飯。
每次去舒文錄音室錄音,師兄都會外賣呢個古早味腸仔兔治牛飯。

今年六月,劉浩龍(師兄)去咗內地拍古裝片,因為疫情關係,香港返內地要隔離,內地返香港都要隔離,7月21日終於完成悶到慌嘅隔離生活。

每次去舒文錄音室錄音,師兄都會外賣呢個古早味腸仔兔治牛飯。
每次去舒文錄音室錄音,師兄都會外賣呢個古早味腸仔兔治牛飯。
師兄同支咪打招呼。
師兄同支咪打招呼。

首先佢去咗剪頭髮,估唔估到佢剪完嘅感受?冇錯,就係舒服晒。開心嘢唔好畀佢停,尋日佢就去咗舒文錄音室度錄音,佢話好耐冇去,又估唔估到佢有咩感受?冇錯,就係好耐冇見,當然係同支咪講啦,但佢重點唔係想講錄音,係佢想講盒兔治牛飯,當事人寫到明食足八年都唔厭,除咗盒飯,仲有個港式羅宋湯,師兄形容味道相當Old School。

師兄拍片介紹呢個令佢情願捱餓都要留肚食嘅兔治牛飯。
師兄拍片介紹呢個令佢情願捱餓都要留肚食嘅兔治牛飯。
佢話最特別係啲兔治牛肉入面有腸仔,我少煮嘢食唔知啦,兔治肉加腸仔好難煮㗎咩?
佢話最特別係啲兔治牛肉入面有腸仔,我少煮嘢食唔知啦,兔治肉加腸仔好難煮㗎咩?

聽吓喺錄音室食飯嘅興奮仔點講,「隔離14日後第一日開工,喺呢度錄咗八年,每次都會食呢個飯,最old school嘅兔治牛肉飯加蛋同羅宋湯,點解我咁鍾意食呢個飯?因為好少喺啲肉入面有腸仔㗎,而家已經五點,我特登晏都唔食上嚟食呢個飯,食完我就有氣有力唱歌嘞。」

睇佢食得幾開心,嗱佢食嘞。
睇佢食得幾開心,嗱佢食嘞。
隔離完,第一件必做嘅事就係剪頭髮。
隔離完,第一件必做嘅事就係剪頭髮。

最新回應

關鍵字

相關新聞

熱門文章