雙眼做矯視手術　林奕匡開心變身鹹蛋超人

林奕匡早前跟朋友出海落船時，失足釀成意外，搞到手腳受傷，一度要留院醫治，不過噚晚林奕匡又Post咗對眼封晒紗布嘅相，搞到好似鹹蛋超人，幸好今次佢唔係受傷，只係因為做咗矯視手術。佢留言：「開心事分享～以後再不需帶眼鏡了，很多年前都已經想做矯視手術，但想到要做手術就當然會有小小怯，身邊有很多朋友都有做，他們每一個都說『早知就早D做添喇！你一定唔會後悔』昨晚我終於做了手術，今日又拆了紗布，25年來沒試過看得那麼清楚，非常非常感恩！謝謝醫生護士#都唔知原來我隻眼可以放得咁大#呢件事係我2020最開心嘅事#眼睛真係好重要好好保護」