星島日報

【獨家】《殺手》演黎耀祥徒弟 林景程讚戲裏戲外都是好師傅

2020-07-30 23:00
林景程在《殺手》演黎耀祥徒弟,他覺得戲裏戲外都遇到個好師傅。
林景程在《殺手》演黎耀祥徒弟,他覺得戲裏戲外都遇到個好師傅。

林景程最近在劇集《殺手》飾演黎耀祥和龔嘉欣殺手徒弟「小秉」,以往角色多為斯文或專業人士,他開心有這個新嘗試,但最初都擔心動作戲應付不來;而他跟祥哥有不少對手戲,更獲對方提點,戲裏戲外都是個好師傅。本身是註冊物理治療師的景程,平日不用拍劇會做兼職,但近期疫情嚴重基本上停頓,不過原來他曾在《BB來了》以專業身份協助拍攝。採訪:杜淑霞 場地:THE WAVE

林景程在《殺手》演黎耀祥徒弟,他覺得戲裏戲外都遇到個好師傅。
林景程在《殺手》演黎耀祥徒弟,他覺得戲裏戲外都遇到個好師傅。
景程09年參加《超級巨聲》入行,他覺得近年對演戲興趣愈來愈濃,更想多做反派角色開拓戲路。
景程09年參加《超級巨聲》入行,他覺得近年對演戲興趣愈來愈濃,更想多做反派角色開拓戲路。





未開拍《殺手》前,景程已收到風該劇打得好勁,所以得知自己有份時既開心又擔心,「我本身唔係好做運動,所以拍打戲都擔心自己應唔應付到,不過又開心可以唔使再做啲斯文或者專業人士,好彩開拍前我哋有做練習,而且我係演徒弟,唔使好識打,所以正式拍攝時總算應付到。」

劇中跟祥哥有不少對手戲,令景程學到不少演出技巧。
劇中跟祥哥有不少對手戲,令景程學到不少演出技巧。
景程在《殺手》中演性格單純的殺手學徒「小秉」。
景程在《殺手》中演性格單純的殺手學徒「小秉」。




對於首次跟三屆視帝祥哥合作,景程大讚獲益良多,覺得戲裏戲外都遇到個好師傅,「佢真係好照顧我哋啲後輩,最記得有場戲講我要同佢講段感性嘅說話,鏡頭要zoom埋嚟我度,我要講晒啲台詞,我為咗就時間成日會愈講愈急,祥哥就教我唔好理鏡頭住,最緊要睇番自己情緒,情緒到先至講,唔係佢教我真係唔敢咁做㗎!怕影響拍攝進度嘛!」



景程本身是註冊物理治療師,不用開工的日子都會做兼職,近期疫情嚴峻都有好大影響,「我好多時都會去啲護老院,又會上門幫人做物理治療,𠵱家都停晒,其實之前做都擔心,會好小心做足防護。」不過,他亦估不到繼15年《超能老豆》飾演個物理治療師後,17年更以專業身份協助拍攝《BB來了》,「拍《BB來了》我係教佢哋做物理治療嘅專業姿勢,我都冇諗過會冇角色都可以參與劇集,感覺真係幾得意㗎!」

本來「小秉」是跟龔嘉欣演的「Nana 」出身。
本來「小秉」是跟龔嘉欣演的「Nana 」出身。
景程在《是咁的,法官閣下》演的「布仲謙」最為觀眾熟識。
景程在《是咁的,法官閣下》演的「布仲謙」最為觀眾熟識。
景程不時在社交平台教做動作,將物理治療的專業知識跟網友分享。
景程不時在社交平台教做動作,將物理治療的專業知識跟網友分享。

最新回應

關鍵字

相關新聞

熱門文章