星島日報

【新冠肺炎】只可臥病床說話 劉少君稍見起色拍埋片

2020-07-25 14:31
劉少君雖然只能臥床說話,但都坐起來自拍,無論精神和說話都比之前好。
劉少君雖然只能臥床說話,但都坐起來自拍,無論精神和說話都比之前好。

本月20日入院確診新冠肺炎的劉少君,連日來病情未見好轉,今日他以語音短訊詳述病況時似稍有進展,還有精神在病床上拍攝隔離病況環境,及對鏡自拍講話。
劉少君謂:「今日都係繼續打仗,因為我入咗嚟都係第4日第5日(正確是第6日),但今日變化又唔同啲。今日我同你講嘢只可以瞓喺度講,如果我坐喺度好難講到嘢,成日咳呀流鼻水呀,可能肺部發生一啲感應。所以要繼續慢慢打這場仗,醫生教我哋喺康復和打仗期間,要多吃高蛋白質食物,如雞肉、雞蛋、鮮奶、豆腐,甚至豆腐花也可,我都會照做,希望一般市民也多吃高蛋白質食物,豬肉和牛肉就冇乜用,呢啲係醫生同我講。」
日前累到不想動的劉少君,雖然只能臥在病床上說話,但都能拍攝病況環境,及自拍說:「呢度係我一個人住嘅隔離病房,呢幾日都唔可以做運動住,因為我瞓喺度講嘢就OK,但如果坐喺度呢就講唔到說話,會有好多啖湧喺個肺部,我諗呢個過程仲要有3日,之後就可以做運動,到時再講畀大家聽,多謝晒。」

劉少君雖然只能臥床說話,但都坐起來自拍,無論精神和說話都比之前好。
劉少君雖然只能臥床說話,但都坐起來自拍,無論精神和說話都比之前好。

最新回應

關鍵字

相關新聞

熱門文章