【大媽台上伴唱】疑「播毒」短片流出嬲爆麥德羅：係咪想我死？

2020-07-24 18:52

麥德羅上周確診新型肺炎，其女友劉麗萍（Apple姐）、旗下歌手施匡翹與宣傳人員、好友劉少君接連確診，令麥德羅被疑為娛樂圈確診群組源頭。今日有網友流出一段麥德羅上台演唱疑「播毒」短片，直指他在確診前載歌載舞演出還大叫「開心就無病！」。他即嬲爆否認，強調大半年冇演唱工作，反問是否想他死？更強調呢條片至少超過一年前。

十多秒片段中所見，麥德羅以招牌造型上台獻聲，在5位大媽伴舞下唱《尖沙嘴Susie》。5位風騷大媽各有各跳，期間有人打破社交距離，搭著麥德羅膊頭搔首弄姿。片尾見麥德羅唱完歌就興高采烈講：「計我話最緊要開心、開心就無病！」不過片中未拍到佈景板，未能交待拍攝地點及日期，有網民嘗試求證，獲回覆：「屯門瘟疫群組！」

大半年冇收入借錢渡日
對於有疑似感染前上台唱歌影片流出，麥德羅今日回應時不禁語帶怒氣：「呢條片誣衊我，大家係咪想我死！我有大半年冇歌唱，周圍都冇唱歌嘢做，啱啱先唱返兩三日就咁樣玩我，我零收入，好辛苦周圍問人、問銀行借錢，仲要咁講！」他強調自己在13號看完醫生已沒周圍去，一直在屋企休息，於17號確診才執拾入醫院。

他又重申強調：「呢條片係好耐以前，耐到都唔記得咗係幾時。已有大半年冇唱歌搵錢啦！再加上之前社會運動，呢條片起碼一年多前！」