吳卓羲郭政鴻做囝囝契爺 陳山聰流下爸爸淚：好感動

陳山聰在社交網貼上抱住兒子（Jaco）及一家三口的照片，公佈正式當爸喜訊。山聰接受電話訪問透露，兒子日前出世，重7.1磅，並已接妻兒出院。他說：「太太開刀，母子平安，我有入產房陪太太。第一次做爸爸好感動，最難忘未換衫已經喊，流下爸爸淚，反而太太好冷靜，仲叫我唔好喊冷靜一點。好感恩BB出世後只喊了兩聲，我行埋去就對住我笑，之後又張大眼望住媽咪。」問到BB似誰？他表示很多人說似媽咪，其實BB個樣日日都變，暫時盡量餵人奶，這個新手爸爸都有幫手掃風，他說最緊要BB健康。

最近山聰正拍攝劇集《超能使者》，加上要照顧太太及BB非常忙碌，BB的中文名交由長輩改。山聰透露兒子共有5個契爺，大家熟識有吳卓羲及郭政鴻。
另外，契姐伍詠薇與陳敏之均在社交網上載與陳山聰3人一起跳舞的片段，伍姑娘留言：「好耐無同細佬細妹合體一齊玩，雖然都係敏之逼我哋跳，但真係玩得跳得超開心。」敏之亦謂：「冇嘢開心得過同家姐阿哥跳開心舞」。