【飽唔飽㗎】全部健康嘢 陳山聰晒老婆愛心飯盒

就嚟做爸爸嘅陳山聰忙開工賺奶粉錢，陳太雖然大住個肚，但仍然對老公照顧周到，煮好晚餐同宵夜畀老公帶返公司食，夠鐘開餐，山聰好似人哋拍開箱文咁，影低今晚食乜餸，佢好興奮咁話，「有泰式素肉炒豆角，菜甫蛋。」同埋一大碗糙米飯，而宵夜就簡單啲，就係三隻烚蛋同一個迷你蕃薯，全部健康嘢，不過份量好似好少咁，會唔會打個乞嚏就冇咗?