【獨家】老婆生B努力搵奶粉錢 43歲陳山聰街頭肉搏兩粒鐘

2020-06-25 21:00
濕身肉搏

老婆下月生B,陳山聰努力搵奶粉錢,同動作演員埋身肉搏,完全唔留力,睇吓件衫都濕晒。
濕身肉搏 老婆下月生B,陳山聰努力搵奶粉錢,同動作演員埋身肉搏,完全唔留力,睇吓件衫都濕晒。

43歲嘅陳山聰下月榮升爸爸,奶粉同尿片錢都好貴,所以山聰經常將養妻活兒努力搵錢掛喺口邊。日前下午,山聰為文偉鴻監製新劇《超能使者》拍外景,劇情講佢以一敵二,當日氣溫高達34度,山聰埋身肉搏,拳來腳往打足兩粒鐘,打到全身濕晒,搵錢艱艱,山聰滴住汗表示,「以前嗰個唔係我嚟,𠵱家好開心,係好嘅開始,所以乜都要勤力啲囉!」採訪:方騫平 攝影、李維隆

濕身肉搏

老婆下月生B,陳山聰努力搵奶粉錢,同動作演員埋身肉搏,完全唔留力,睇吓件衫都濕晒。
濕身肉搏 老婆下月生B,陳山聰努力搵奶粉錢,同動作演員埋身肉搏,完全唔留力,睇吓件衫都濕晒。
幸福男人

準老竇山聰摸住太太Apple巨肚,好滿足。
幸福男人 準老竇山聰摸住太太Apple巨肚,好滿足。

之前陳山聰喺《兩個小生去camping》中毫不避忌,大談過去「黑材料」,自嘲以往嘅負面新聞全世界嘅華人都知,佢要撥亂反正,面對自己,他還真情剖白:「因為呢啲經歷令我𠵱家咁開心,更珍惜身邊一切,我希望60歲時,太太同個仔有安定生活。」山聰果然言出必行,腳踏實地努力搵奶粉錢兌現承諾,拍完《超能使者》緊接拍《今宵大廈2》。問到劇接劇係咪BB旺他?他笑嘻嘻說:「都係啦,最緊要開心。」


打到底褲都濕埋

山聰在《超能使者》中有唔少喪打場口,日前先嚟一次小熱身,講山聰拖住着小背心、熱褲露腰仔嘅劉穎鏇(Tiffany)返屋企煮飯仔,途中見義勇為出手阻止兩名歹徒欺凌女人仔甄詠珊。當日天氣好熱,喺條街拍外景焗到癲,但山聰依然打得相當落力,拍前先試位,一roll機就喺咁同兩位動作演員埋身肉搏,箍頸、抓面、反身、起腳、出拳及膝撞等乜都有,打到手臂「老鼠仔」都出埋,仲要墊pad捱木棍打背脊。雖然好多動作都一take過收貨,但兩分鐘鏡頭都玩咗兩個鐘,拍到山聰全身濕晒,淺灰色Tee濕到變深灰,連底底都濕埋,成身汗臭味,要急急換tee除臭。而鏡頭外食住豆腐花嘅Tiffany就大讚山聰好專業。

打得夠pro

山聰抓面時會發出聲音,好投入。
打得夠pro 山聰抓面時會發出聲音,好投入。
一take搞掂

山聰好鍾意拍打戲,加上有底子,所以一take搞掂。
一take搞掂 山聰好鍾意拍打戲,加上有底子,所以一take搞掂。

山聰鍾意拍打戲

山聰事後承認冇留力拍:「其實真係好熱,所以拍打時真係要專注啲,寧願用多啲真力,好過留咗力再拍時大家都辛苦,最吃力係要配合監製要求打得型啲,唔好乸埋塊面,又要打又要顧住個樣真係唔容易。」稍後Tiffany會加入動作行列,陳山聰睇好劉穎鏇係新一代打女:「佢手長腳長,打起嚟會靈巧啲,𠵱家要多元化,做新一代打女女神咪好囉,有啲羅拉feel咁!暫時女神就係女神,唔識打。」至於想做女神定打女?Tiffany好貪心話兩樣都要,打都可以好有型,唔一定兇神惡煞。

問到山聰怕唔怕受傷,嚇親大肚老婆?他即緊張說:「我有派定心丸畀佢,除咗有少少瘀傷,拍咗咁多次打戲都未試過受傷。好多監製覺得我好適合拍打戲,因為我又有咁嘅底子,自己又鍾意,只要小心啲就得喇!作為演員多元化好,同埋呢個路線演員唔係咁多。反而有場搞笑戲,我自己打自己再擺個甫士,兩個take就拍到肩位瘀晒,連老婆都問我搞乜?」

裝pad捱打

熱成咁,仲要喺背部裝pad去捱打,真係辛苦晒。
裝pad捱打 熱成咁,仲要喺背部裝pad去捱打,真係辛苦晒。
打得有型

監製要求山聰打得嚟都要顧住面口,唔好樣衰。
打得有型 監製要求山聰打得嚟都要顧住面口,唔好樣衰。
陳氏水人

山聰熱到變水人,要工作人員不停抹汗。
陳氏水人 山聰熱到變水人,要工作人員不停抹汗。
女神拍拖

當日拍攝山聰拖住劉穎鏇返屋企。
女神拍拖 當日拍攝山聰拖住劉穎鏇返屋企。
打瘀自己

山聰拍一個自己拍打自己嘅搞笑場口,反而拍到自己肩位瘀咗。
打瘀自己 山聰拍一個自己拍打自己嘅搞笑場口,反而拍到自己肩位瘀咗。
面對過去

山聰喺《兩個小生去camping》中大談過去「黑材料」。
面對過去 山聰喺《兩個小生去camping》中大談過去「黑材料」。
打得精彩

唔少監製都鍾意搵山聰拍打戲,喺《十八年後的終極告白》都有擂台埋身戲份
打得精彩 唔少監製都鍾意搵山聰拍打戲,喺《十八年後的終極告白》都有擂台埋身戲份
激動重生

3年前喺大馬頒獎禮,山聰上台領取男配角獎非常激動。
激動重生 3年前喺大馬頒獎禮,山聰上台領取男配角獎非常激動。
關鍵字

最新回應

關鍵字

相關新聞

熱門文章