【寄情工作】甩拖後有市場高海寧：我冇唔開心

2020-07-04 10:00

高海寧（高Ling）、蔡思貝、關楚耀、胡楓等昨晚出席仁愛堂就職晚宴，之前高Ling與無綫前音樂總監鄧智偉秘戀5年，及後因男方捲入和一位圈外單身媽媽的桃色糾紛，踢爆兩人的地下情去年已告終。寄情工作的高Ling表示，最近忙拍TVB新劇《七公主》，雖然要在炎熱天氣下拍外景一定會辛苦，但角色很有挑戰性，認為十分值得，預計拍到8月中，同時又要忙宣傳《殺手》、《迷網》及《反黑路人甲》，有三套劇緊接出街，希望觀眾不要睇到厭。

之後她將會到外地拍旅遊節目，希望能飛得成，寓工作於娛樂，問到是否順便散心，她死撐說：「唔係，我冇唔開心，𠵱家日日都開心，拍劇好有滿足感，有好多挑戰，但我幾時都想去旅行。」問到是否準備好接受新戀情？她認為要睇緣份，冇得勉強，現在最重要工作滿足，希望觀眾看到她的努力。

記者追問到她可有追求者時，高海寧即甜笑說：「話冇又話冇市場，話有又會問係邊個，總之𠵱家忙到連瞓覺都冇時間。不過，都想有桃花，因為桃花代表人緣呀！」