【自暴自棄】高海寧新劇畀半裸猛男圍　陸永懶操肌： 我襯咩軀體都冇用

高海寧（高Ling）與陸永今日出席新劇《七公主》拜神儀式，組成「陸Ling」組合。飾演司機的高Ling自爆要紮胸上陣，造型均是包到冚，陸永笑言不失望：「我也要紮一紮才可跟她合作，哈哈！」高Ling又笑認有艷福，劇中會被很多半裸猛男包圍，包括小鮮肉；陸永再放笑彈說：「但艷福是我這種質素，正唔正先？（為除衫操肌？）不用啦！大隻又點，都要配番個頭㗎，我襯咩軀體都冇用，哈哈！」再追問高Ling與鄧智偉再傳情變，她避忌拒談，只謂自己目前是開心狀態。

此外，談到鄭裕玲（Do姐）飛起農夫，孖姜濤及肥仔@ERROR拍廣告，陸永笑說：「都要放Do姐出去玩吓嘅！但有些網友說他們扮農夫，有乜可能姜濤扮我呀，不要侮辱姜濤啦，但C君跟肥仔的顏值的確有點似，哈哈！」