【哦】鄭俊弘又係成日唔記得拉褲鍊 何雁詩笑言:我哋天生一對

今日，何雁詩(Stephanie)到電台為新歌《絕望時請點唱》宣傳，由於是她首次創作的廣東歌，所以好似佢第一個BB一樣。未婚夫鄭俊弘(Fred)亦好滿意，由於Fred一直好想跟其他幕後音樂人合作，所以好羨幕Stephanie今次可以與美國編曲人合作。

Stephanie透露正創作一首新歌送畀Fred作為結婚禮物，並指歌詞內容唔會肉麻。問到早前放了一張疑似冇着褲的照片上網，問到鄭俊弘可有要求她下次要着返褲?何雁詩笑說:「嗰張相有着褲㗎，而且佢都睇慣，不過，當日影完相後換衫先發覺冇拉褲鍊，其實鄭俊弘同我講過佢都經常唔記得拉褲鍊，所以我覺得我哋係天生一對。」

提到早前出席樂易玲生日會時可有留意當日有多對新歡舊愛同場，何雁詩笑言:「傳媒唔寫出嚟我都冇留意，亦記唔起有咁多關係。」她再補充自己係花生友，當晚食咗唔少花生，回家後有點肚餓。哈哈！

問到當時蔡思貝同邊個一齊坐?Stephanie表示跟自己坐，一對對咁坐，鄭俊弘就跟胡鴻鈞一齊坐。問蔡思貝和胡鴻鈞即係一對?何雁詩再笑說，「我冇講，當時鄭俊弘、胡鴻鈞、余德丞同羅天宇一齊坐。」