男友疑偷嗒北京姑娘　高海寧傳怒撇鄧智偉

高海寧（高Ling）與音樂才子鄧智偉秘戀5年，其間更一度傳過秘婚，惜今年2月，二人因互相Unfollow IG而惹來分手疑雲，事後高Ling聲稱冇特別意思，又謂不會破例高調談論私事。直至今日，一路避談「分」訊的高Ling再傳5年情玩完，並跟鄧智偉已分手4個月！

據悉，長駐內地工作的鄧智偉疑不甘寂寞，背着女友暗交一名北京姑娘，高Ling發現男友出軌後，怒撇對方；有知情者就透露，高Ling曾向好友哭訴當初不理公司及家人反對，堅持跟鄧智偉拍拖，兩年前還想結婚，無奈男方採取拖字訣，加上發現對方偷食，最終決定斬纜！對此，高Ling則回覆傳媒：「相片同內容都係胡亂堆砌出嚟，唔係事實嘅嘢根本唔需要回應！多謝。」