獲女友人浪漫預祝27歲生日　余香凝： 有一刻以為係男朋友

呢排真係好多靚女生日，好似啱啱前日即係6月28日32歲生日嘅朱千雪，佢仲有一班好姐妹岑杏賢和蔣家旻等陪佢慶祝。而早前Po泳衣相，被網民寸「象腿」的余香凝亦獲老友預祝7月5日27歲生日，而且仲揀咗間望住靚靚維港景，好鬼浪漫嘅餐廳食生日飯，難怪佢認唔住留言話：「好幸福嘅樣子，有一刻以為係男朋友，第一次收女仔花#日日切蛋糕#7月5號先生日」。不過，唔知係咪上次「象腿事件」搞到余香凝有啲唔開心，呢幾日網友留言都好識做，不時讚佢瘦、靚同索咁，似乎希望𠱁番佢開心喎！