【好勇】做節目試飲坑渠味「鑊底水」 岑杏賢飲到嘔

岑杏賢（Jennifer）及郭田葰今日出席《恐怖真相》記者會，Jennifer為節目做「白老鼠」試酒精及「鑊底水」，更因試足7種「鑊底水」而嘔吐大作。她說：「唔同質料嘅鑊煲出嚟嘅水會唔同味，有啲係生鐵味，甚至有啲係坑渠味，真係飲到嘔！拍完節目即刻換晒全屋嘅廚具，連男友屋企嘅廚具都換晒！」講到同居就可以慳返一套，Jennifer答得爽快，「係呀！可惜已買咗兩套，我哋都有呢個計劃。」至於會否跟男友一齊買樓？她就說要從長計議。問到會否快過舊愛袁偉豪結婚？她說:「結婚唔應該同其它人比較快慢，我都唔知道佢係咪結婚。」

此外，醫科畢業的郭田葰表示疫情期間化身「人肉診所」，不少朋友均會請教他，由平日10個「問診」短訊增至2至30個。對於日前無綫新聞誤報復課日期，區永權亦「中伏」而在網上開帖求證，笑問是否被無綫新聞呃了？他說：「唔算呃，作為家長對復課一事緊張好正常，睇到新聞後即上網求證，知道唔係就OK，因為係咪復課都有好多事要處理。」

區永權坦言由2月開始24小時面對兩位兒子，雖然學費照交，但教育重任全落在家長身上，幸好自己有耐性及EQ，父子關係才不致變差，更自詡普通話及英文也變好了！