家駒逝世27周年 唐寧貼絕密合照念二哥

尋晚，唐寧喺IG貼跟家駒的合照，Caption係二哥，因為1991年，童星出身的唐寧同Beyond合演電影《Beyond日記之莫欺少年窮》，當時飾演家駒的妹妹。

家駒離世後多年，唐寧曾於訪問中提過當年拍攝時，家駒好錫佢，當正係自己親妹妹一樣。而唐寧待拍攝結束後更鼓起勇氣問家駒攞聯絡電話。之後，1993年家駒因意外去世，唐寧提到當年喊咗好耐，仲偷偷寫咗封信燒畀家駒，希望佢一路走好。

唔經唔覺，家駒離世27年，但唐寧冇忘記。