【好多狗呀】 懶理黑粉九唔搭八 蕭亞軒幫18歲愛犬開生日Party

40歲的蕭亞軒近幾年負評不斷其一指她專溝小鮮肉，連喺IG留言賀舊愛柯震東生日都被黑粉追擊「一齊封殺」;就算貼愛犬喺露台休息嘅相，都被網友批評只顧住同狗玩、掛住拍拖唔認真工作，仲話「過氣成這樣了還不努力」，其實都幾黐線，鍾意小鮮肉唔得嘅?貼張狗狗相又唔得嘅?咁惡嘅咩?

好彩蕭亞軒家中有一堆愛犬，其中老大哥Gemi剛過18歲生日，18歲咁難得當然要大搞，狗奴阿媽幫Gemi開咗生日會，仲請埋一大班狗友參加，好熱鬧呀。