端午節晒一家三口出海照　陳嘉寶「湯碗胸」現青筋

Model出身的第一代「文青女神」陳嘉寶（Anjaylia）一向都唔係賣身材，不過自從2017年下嫁富二代黃頌祈（Epaphras），並於去年1月誕下女兒Hosanna後，上圍「升Cup」不少的她間中都會喺IG分享泳衣、Sports bra健身照等，盡晒好身材。昨日趁端午節，一家三口又出海曬太陽、游龍舟水，事後兩公婆於社交網貼出甜蜜合照，Anjaylia寫道：「今年第一次享受陽光與海，游了一下龍舟水，還吃了三款糭子！你們呢？祝大家端午節快樂喔！」不曬網民都讚二人Sweet couple，但好友陳凱琳的焦點似乎落在Anjaylia的心口度，她留言：「I like sexy baby.」確實，比起「做女」的時候平平無奇，升呢人母後真係豐滿咗好多，相中的Anjaylia雖然仰天甩瞓喺度，但兩個「湯碗」依然清晰可見，唯一美中不足的是，白滑「咪咪」上居然青筋盡現！