星島日報

【獨家】陳展鵬讚唇厚夠性感 唐詩詠驚覺自己有另類戲路

2020-06-23 20:25
劇情需要展鵬好得戚咁趷起個籮柚畀詩詠聞。
劇情需要展鵬好得戚咁趷起個籮柚畀詩詠聞。

曾經係「御用拍擋」嘅陳展鵬、唐詩詠繼去年《唐人街》後再合作,今次喺文偉鴻新劇《超能使者》中玩到豁晒出去。日前拍一場戲,講詩詠要聞展鵬個Pat Pat,男方再篤她塊面然後變吹氣Mary公仔。事後展鵬指詩詠唇厚既性感又可愛,詩詠笑言原來自己有另類性感! 採訪:方騫平 攝影:譚壹致

劇情需要展鵬好得戚咁趷起個籮柚畀詩詠聞。
劇情需要展鵬好得戚咁趷起個籮柚畀詩詠聞。
展鵬仲要篤詩詠塊面,不過篤完都好緊張問詩詠痛唔痛。
展鵬仲要篤詩詠塊面,不過篤完都好緊張問詩詠痛唔痛。

喺疫情下需要歡樂,所以《超能使者》係一部瘋狂式喜劇,首次演呢類劇種嘅陳展鵬及唐詩詠異口同聲話已經豁咗出去,點樣做都唔會尷尬,只係會盡力去配合,好彩兩人好有默契,唔怕玩多啲。日前兩人一早拍一場搞笑戲,講飾演臨時演員嘅展鵬誤會畀臨記阿頭唐詩詠整蠱,搞到吊咗好耐「威吔」,整痛「小鸚鵡」,他痛到戚住褲襠,O形腳行路。因此,他「大報復」,搞到詩詠要彎身曲腳去聞佢籮柚,又要扮吹氣Mary嘅鯉魚嘴,更要「罰坐」無影凳,詩詠坦言:「好彩有做開運動,但都好攰。」

劇情話展鵬吊完「威吔」痛到O字腳走路。
劇情話展鵬吊完「威吔」痛到O字腳走路。
詩詠坐住封咗萬年塵嘅櫃頂。
詩詠坐住封咗萬年塵嘅櫃頂。

吊「威吔」有心得
展鵬笑指詩詠雙唇夠厚,好有扮吹氣Mary嘅潛質:「不過呢個Mary既性感又可愛,係人工智能升級版,入得廚房出得廳堂。」詩詠笑說:「𠵱家發掘到自己多一個優點!原來係有另類性感,佢畀到信心我行另一條路線!」展鵬說:「我哋前期成日合作,但有段時間戲路唔啱,我愈搞愈成熟變咗大叔咁,佢就係宅男好鍾意嘅女神。」兩人又話吊「威吔」好易勒痛下身,展鵬自爆經驗之談,吊「威吔」時他的「小鸚鵡」要放正喺中間位才安心。

唐詩詠坐喺櫃頂等演出時做咗個嘟嘴可愛表情。
唐詩詠坐喺櫃頂等演出時做咗個嘟嘴可愛表情。
兩人喺《衝呀!瘦薪兵團》合作過,當年展鵬搞鬼地用手瓜比拼詩詠大髀。
兩人喺《衝呀!瘦薪兵團》合作過,當年展鵬搞鬼地用手瓜比拼詩詠大髀。
《唐人街》中兩人再合作。
《唐人街》中兩人再合作。

最新回應

關鍵字

相關新聞

熱門文章