第一個父親節 羅仲謙變搵錢工作狂

4月楊怡誕下女兒「小珍珠」，老公羅仲謙(謙仔)榮升任新手爸爸，首個父親節，他表示心情好平靜，因為知道當日要開工，所以有叫太太楊怡毋須慶祝。謙仔無奈地說：「驚浪費了她的心機，好多嘢在心中就得啦！這個父親節對我來講心情平靜不太特別，因為有個身份同見到個女，其實做父母希望個女愈大愈醜怪先得㗎嘛！但反話嚟，老人家話唔不可以讚她好靚，反而話好醜怪又黑㗎！咁樣大個就變天鵝啦！」

雖然升呢做爸爸，但謙仔坦言收工回家後第一時間找太太楊怡，皆因女兒萬千寵愛多人錫，絕對不會忽略太太，亦有太多人提醒他。他說：「我屋企多人，我有外母、工人姐姐、陪月員，所以太太湊女不會有太大壓力，全屋都是女人。」

成為人父後的謙仔變為工作狂，勤力賺奶粉錢，拍劇拍到血流披面都在所不計，謙仔直言做這行工作好被動，但有得做就會去做，反而回家後有時間會幫手去餵奶。他說：「我少時間陪女兒，好驚佢唔認得我！這段時間小朋友開始認人，所以比較緊張，同埋我想暗地裹快些教女兒識講爸爸！（想女兒識講爸爸先，之後講媽媽？）我心入面梗係想她講爸爸先，但叫媽媽先都OK㗎！」女兒「小珍珠」現時只有個多月大，謙仔笑言初出世時面腫腫，現在已變得有輪廓。他說：「初時都唔知她似邊個？發覺有點似我爸爸，現在開始少少似我。」