【兩個夠晒數】鍾嘉欣苟芸慧早知亞男有喜 王祖藍：生埋呢個收工

王祖藍今早在社交網宣佈再當爸，老婆李亞男（Leanne）懷有第二胎後，得到很多好友和網民祝福。祖藍回應說：「多謝大家祝福。其實今次都係計劃之中，因為之前同Leanne嘅共識，都係等Gabby（女兒王天韻）滿咗一歲先再追多個，依家個timing都真係好感恩。我哋生埋呢個都收工的了，因為兩個夠晒數，亦唔想老婆太辛苦。我知今日都好多人報喜，祝大家都父親節快樂啦！😆（仔定女？）我畀咗tips㗎喇，大家估吓啦！」

鍾嘉欣恭喜好姊妹李亞男及王祖藍再有BB，而且選擇這個特別的日子公佈，她作為姊妹好替他們開心。其實她一早知道，因為亞男及祖藍有段時間在溫哥華，他們有見面一齊吃飯，及小朋友一齊玩。她祝福亞男及BB健康，一切順順利利，最緊要開開心心。
茍芸慧亦謂早前她們幾個姐妹已知道這好消息，「當然非常替Leanne開心，亦都尊重佢，等佢自己公佈。（亞男有冇分享有B心得？）咁就無，因為自己目前都係想專注在工作方面，其他方面唔急住。」