勤做Gtm身材Fit爆　陳慧玲晒性感泳照騷Quali

太陽娛樂老闆周焯華太太陳慧玲（Heidi）今年11月便踏入4字頭，雖然已是兩女之母，大女周梓潼（Virginia）更快將成年18歲，但Heidi依然Keep得好好，同Virginia拍埋一齊仲好似姊妹一樣！Heidi之所以咁Fit，全賴多年來她都一直勤力地健身，就算抗疫期間都冇偷懶，日日做Gym。今日趁陽光普照，Heidi就換上比堅尼到泳池游水、曬太陽，剛才仲喺社交網貼出性感水着照，大晒一副好身材，一眾網民睇見亦紛紛讚「So hot」、「身材好美啊」、「腹肌出來了」、「健康美，好靚」。