【唱咗兩個鐘】75萬Fans撐場 BTS Online Show勁賺1億3千港幣

因為新冠肺炎疫情影響，世界天團防彈少年團(BTS)被迫取消世界巡迴演唱會，為彌補不能巡迴各地見粉絲的遺憾，尋日傍晚六點(韓國時間)，出道七周年的BTS舉行Online演唱會《BANG BANG CON The Live》，唱咗14首歌，全場約兩個鐘，最高同時上線人數達75萬3000名，門票收入超過200億韓元(約1億3千萬港元)，未計演唱會的周邊商品，開創全球Online Show的新歷史。

其間，成員大哥Jin自爆前日原本是BTS的合約到期日，「但係好感謝遇到咁好嘅團員及公司，好慶幸又可以再一齊走落去。」接著便提議全員一齊擁抱，其它成員即互相攬住在舞台上轉咗一圈，還預留空位讓ARMY(BTS粉絲稱呼)加入，而之前七子已跟公司再簽多七年約。演唱會進行期間，BTS見到觀看人數高達75萬人亦非常驚訝。