送肉嘴賀老公生日 林芊妤搞到「伯伯」無晒癮
2020-06-04 12:00 
幸福人妻兼索媽林芊妤(coffee) 不時拍片分享健身、瑜伽及愛兒翟德彥（伯伯）生活點滴，非常受網民歡迎，昨晚Coffee在社交平台發文，貼圖一家三口外出再為老公翟志榮（老肉）慶生，High爆嘅coffee送上肉嘴畀老公，搞到坐喺老肉大髀嘅伯伯無晒癮，一臉無奈抗議爸爸媽媽又公開親熱。不過，爸爸就相當冷靜及識做，嗱嗱聲錫返伯伯補數，但伯伯個表情依然唔多like，最搞笑係coffee唔理阿囝感受，手舞足蹈，繼續自我陶醉。
林芊妤搞笑留言：「Happy birthday to老公！」她又用BB角度自問自答，扮伯伯問：「唔知呢個女人今次又玩幾耐？」她自答：「你哋由我自我陶醉吓啦！」唔少網民畀like伯伯，大讚他無奈樣真係好正、好得意！亦有唔少人羨慕她一家好幸福、「很喜歡看你燦爛的笑容！」亦有問她咁癲係咪有醉意？coffee則回應話，「其實次次都係咁，仲開心過生日嗰個，不過因為返屋企仲要餵奶呀！所以冇乜點飲。」
關鍵字
最新回應