分居不寂寞 賴弘國開心慶祝35歲生日

5月初，鍾欣潼（阿嬌）驚爆同賴弘國結束14個月短暫婚姻並已簽分居協議，男方在訪問中透露分居原因是阿嬌唔愛佢，更在ig寫下千字文訴舊情，但英皇卻指兩人並非離婚，只是分居。

有無彎轉暫時唔知，但回復單身的賴弘國就幾開心，經常更新社交平台，同朋友去打波又不斷做健身，連35歲生日都有大班朋友同佢慶祝。翻查日子，阿嬌同賴弘國於18年5月26日喺美國行禮，即係兩人特登揀男方嘅生日行禮，曾經咁Sweet嘅兩人，唉。