【姊妹決裂】疑不滿馮盈盈講大話　江嘉敏：知人口面不知心

馮盈盈與江嘉敏傳姊妹反目！
今日有報道指，25歲的馮盈盈早前跟10A醫生男友Martin結束4年情後，火速撻着爆肌主播鄭衍峰（Leonard），殊不知早前她因賭王四房公子與何猷亨上億元豪華遊艇開P，而被指釣金龜。事件曝光後，盈盈即搵好姊妹江嘉敏做擋箭牌，稱是對方介紹又否認有新戀情，不過，江嘉敏卻強調自己沒做媒人，更爆盈盈與猷亨一早認識，反而自己先係獲邀去船P，令事件爆出羅生門！江嘉敏仲疑似嬲豬，前晚忽然於社交網貼出單人照，並留言：「生活根本就係一場狼人殺。你根本唔知邊個講緊真話邊個講緊大話，亦都唔知邊個係狼人邊個先係村民。 #聽到啲唔應該聽到嘅嘢 #有感而發 #其實世界好細 #說話唔能夠亂講尤其係大話 #人言可畏 #真係知人口面不知心 #又識化妝又識整頭又識影相嘅人邊到搵」此Po一出，令外界紛紛猜測她寸緊盈盈，而至今盈盈都未有作出留言或畀Like。

對於發文被解讀成與盈盈不和，江嘉敏透過短訊回覆：「啲報道真係好無聊，唔好再亂寫啦，我同YY（馮盈盈）都冇鬧交，佢就嚟生日仲約緊食飯，再亂寫真係冇事都變有事呀。」盈盈亦否認跟江嘉敏割席，指對方仍有約她慶生，並說：「我不清楚發生甚麼事，最近也較少用社交平台，所以問回她本人比較好，謝謝！」