10億千金不介意新歡月入萬幾蚊　黃文意認撻着外籍足球員

現年27歲的「36D咪神」黃文意（Mandy）的父親乃坐擁逾10億身家的「LED燈大王」黃裕發，不過她從不靠父蔭，去年簽約TVB拍劇及做主持，連拍拖都同樣好貼地。繼前年被爆撻着50歲的唐文龍後，今日Mandy再爆出與來自歐洲塞爾維亞的25歲港甲球員Ivan Maric拍拖近半年！據悉，Ivan效力球會景峰，司職後衞，月薪約萬多元，但有教小朋友踢波賺外快，球會也有提供住宿。

近日，Mandy亦於社交網上載兩人去沙灘及農場的合照，但未有留言公開情侶關係。對此被爆新戀情，她回覆傳媒時坦承二人同住屯門，有日在街上巧遇問路的Ivan，發現雙方都好投契，仲交換埋電話，結果傾了幾個月就開始拍拖，但Mandy表示未向對方「稟報」自己的家底，每次約會男友更會堅持畀錢，她笑謂：「講佢都唔信啦，我間屋得400呎，平時佢問我鍾意做咩，我都係去沙灘農場，加上佢母語唔係英文，係賽維亞文，除咗球隊嘅朋友外，好少社交活動，所以佢乜都唔知。」