【姊妹决裂】疑不满冯盈盈讲大话　江嘉敏：知人口面不知心

冯盈盈与江嘉敏传姊妹反目！
今日有报道指，25岁的冯盈盈早前跟10A医生男友Martin结束4年情后，火速挞着爆肌主播郑衍峰（Leonard），殊不知早前她因赌王四房公子与何猷亨上亿元豪华游艇开P，而被指钓金龟。事件曝光后，盈盈即搵好姊妹江嘉敏做挡箭牌，称是对方介绍又否认有新恋情，不过，江嘉敏却强调自己没做媒人，更爆盈盈与猷亨一早认识，反而自己先系获邀去船P，令事件爆出罗生门！江嘉敏仲疑似嬲猪，前晚忽然于社交网贴出单人照，并留言：「生活根本就系一场狼人杀。你根本唔知边个讲紧真话边个讲紧大话，亦都唔知边个系狼人边个先系村民。 #听到啲唔应该听到嘅嘢 #有感而发 #其实世界好细 #说话唔能够乱讲尤其系大话 #人言可畏 #真系知人口面不知心 #又识化妆又识整头又识影相嘅人边到搵」此Po一出，令外界纷纷猜测她寸紧盈盈，而至今盈盈都未有作出留言或畀Like。

对于发文被解读成与盈盈不和，江嘉敏透过短讯回覆：「啲报道真系好无聊，唔好再乱写啦，我同YY（冯盈盈）都冇闹交，佢就嚟生日仲约紧食饭，再乱写真系冇事都变有事呀。」盈盈亦否认跟江嘉敏割席，指对方仍有约她庆生，并说：「我不清楚发生甚么事，最近也较少用社交平台，所以问回她本人比较好，谢谢！」