【圖文不符】一周唔掂手機超爽　35E白雲同愛犬攬到「線」都歪

白雲好偏心！屋企本身已有一隻愛犬Dola的她，自從4月中宣布養多隻雪橇Cash後，其Instagram（Ig）內就只有新寵，一對「母子」更是影形不離，無論白雲去影樓、行山、公園都會帶埋Cash，兩個喺屋企就直頭日黏夜黏！今晨，白雲又於社交網晒同愛犬的合照，眨吓眼Cash已經大咗幾個碼，搞到「奴才」都要用腳托一托，雖然「母子」合照溫馨可愛，但不少網民都Focus咗落白雲個心口度，事關她穿上低胸吊帶裙，「35E巨咪」都畀Cash壓到「線」都歪埋！

再望吓白雲的留言睇吓講乜？原來又係圖文不符，她寫道：「之前一個星期沒有post東西，是因為做了一個實驗：一個星期盡量不碰手機，我以為會好難，但我錯了，根本day 1開始就很不想拿起手機，超爽的一個星期，雖然錯過了一些好像重要的信息電話甚麼的，但我想說這肯定是有些緣份未到。開心自己是個不被手機束縛的人，btw我的iphone裏面沒甚有任何遊戲的。」可能她想告訴大家有Cash的陪伴都唔需要玩手機解悶啩？