晒3年前索爆性感相　張沛樂網友抵死拉埋林耀聲落水

參加ViuTV選美節目《美選D.n.A》入行的張沛樂（沙律），出名身材出眾又大方，經常在社交平台分享索爆性感相，早前拍攝香港開電視節目《美少女日本民宿》，浸溫泉一樣大晒好身材。不過近期見她少貼性感相，因為她唔多滿意自己身材，嫌自己肥咗唔少，已經努力減肥中。不過，呢日她又有靚相出籠，她留言：「無意間找到一張舊相，但未post過，我想過多一陣子應該可以回復番，但我近來又傷了，看來要找個時間看一看醫師啪骨」沙律回應網友時透露，張相是3年前作品，仲話：「而家都見到腹肌，但仲差好遠」呢張fit爆靚相確實好好睇，難怪她貼出短短幾個鐘就吸到成8千個Like，而且網友除了畀心心眼之餘，仲有人抵死話：「超正！！阿聲實後悔」連沙律前男友林耀聲都拉埋落水。