男友退股美容中心陳庭欣代解畫：想專注自己生意

2020-06-03 12:00

一眾《東張西望》主持及幕後昨晚舉行「15周年邁向4000」活動，齊齊切蛋糕慶祝。主持之一的陳庭欣（Toby）被問到有何深刻經歷？她說：「我加入咗4、5年，期間都發生咗好多難忘及蝦碌嘅事，記得當年講錯咗一句『食燈籠、玩月餅』，每年中秋都畀人重提取笑；至於最難忘係報死訊，特別報道曾守明死訊報到落淚，因為佢離世前幾日先見過面，而早前親自報道愛雀逝世都眼有淚光。」

提到男友楊振源退股美容中心，Toby坦言男友想專注自己生活用品的生意，而她的代言人工作就繼續。之前她為好友孫慧雪的網購生意助陣，客串一吓做幕後燈光師，原來KOL幕後工作繁多，相信自己分身不來。