姜濤新歌破100萬View 花姐找數跳手勢舞獲讚

2020-05-19 12:30
姜濤陪經理人花姐跳「手勢舞」找數。
姜濤陪經理人花姐跳「手勢舞」找數。

組合MIRROR成員姜濤(姜B)早前推出Solo新歌《蒙著嘴說愛你》MV,上周還找來一眾前輩合拍「星級特別版」MV,包括鄭裕玲(Do姐)、謝安琪、林奕匡及許廷鏗等,姜B更預告:「MV超過100萬View花姐(經理人黃慧君)跳畀你睇。」結果官方MV發佈短短兩個多禮拜,已快速衝破100萬觀看率,至今(19日)總數直逼105.5萬Views!

姜濤陪經理人花姐跳「手勢舞」找數。
姜濤陪經理人花姐跳「手勢舞」找數。
花姐食飯都努力練舞。
花姐食飯都努力練舞。

講得出做得到的花姐昨晚立即「找數」,在社交網貼出跟姜B一齊跳《蒙》曲的「手勢舞」短片及鏡後花絮,片中,見花姐食飯都望住個Mon苦練舞蹈,跳了一半她已唉聲嘆氣,連掌鏡的工作人員都忍不住竊笑,百厭的姜B就忽然「亂入」,好風騷地邊跳邊轉入廁所,花姐留言:「我真心覺得呢條片好好笑,『得戚老姜與苦命老花』呢個對比一絕,所以要出Po記低。」隨後,姜B傍實花姐正式Roll機跳「手勢舞」,花姐都尚算跳得有板有眼,在旁的姜B則邊睇好戲、邊陰陰嘴笑,不過最後也有讚對方:「好勁呀!」

姜濤則在旁邊搞搞震!
姜濤則在旁邊搞搞震!
見花姐跳到唉唉聲,ERROR成員肥仔留言笑話收費教花姐跳。
見花姐跳到唉唉聲,ERROR成員肥仔留言笑話收費教花姐跳。

花姐在此Po寫道:「找數系列:寧願跳多次bungee jump都唔想跳舞,點解經理人要跳舞,2M view做咩好?」事後不少大讚花姐跳得好好、好勁,連宅男女神陳瀅都留言:「So cute!」又有人提議過200萬Views不如成隊MIRROR聯乘ERROR及花姐一齊跳,唔知姜B同花姐點睇呢?

苦練舞蹈的花姐最後挑戰成功,仲獲網民讚跳得好!
苦練舞蹈的花姐最後挑戰成功,仲獲網民讚跳得好!
姜濤與經理人花姐(右)
姜濤與經理人花姐(右)
姜濤的新歌《蒙著嘴說愛你》官方MV發佈至今,已累積約105.5萬Views!
姜濤的新歌《蒙著嘴說愛你》官方MV發佈至今,已累積約105.5萬Views!
關鍵字

最新回應

關鍵字

相關新聞

熱門文章