姜粉轟麻利寸偶像有懶音　姜濤：不會給自己找任何藉口

商台DJ麻利近日於社交網分享一篇關於正音文章，呼籲新一代歌手重視咬字問題，以免令下一代懶音問題更嚴重。雖然此Po未有指名道姓，但卻引來大批「姜粉（姜濤粉絲）」對號入座，並紛紛Inbox狙擊麻利，有粉絲更留言：「佢唔需要唱歌咬字正都可以好紅」、「佢只係一個小朋友」等，結果麻利都忍唔住貼出私訊截圖，反擊姜粉：「我冇開名就係因為我唔係講佢，亦都唔單止會講佢，開名就嬅我點名批評人，唔開名我就係媽咪姐？然後你哋全部人就覺得我係講你偶像，會唔會係因為你哋自己都聽到你偶像有懶音？」更直言若非姜粉主動提起偶像，麻利都未有專登聽姜濤首新歌。

事件愈鬧愈大，姜濤深夜都急急於Ig Story出Po，他寫道：「我不會給自己找任何的理由和藉口，謝謝你們給的意見，也很感謝所有批評我的人，是你們讓我更加了解自己的不足。我會努力的。」至於經理人黃慧君（花姐）事後也於社交網留言，指MIRROR成軍18個月以來都好努力，不停進修練習，只盼有一日獲得大家肯定和支持，她續說：「雖然佢哋有時會做得唔夠好，但係佢哋唔會賴人，唔會搵借口，勇敢面對自己嘅不足，希望下次會做得更好。雖然我哋間唔中都有嗌交，意見不合，但我好開心可以同佢哋一齊工作，一齊成長，一齊面對困難。Boys...proud of u. 最後，多謝鏡粉支持，你哋意見或批評，我哋都係非常重視。總有一日，你哋會見到MIRROR同我哋團隊努力嘅成果。」