【頭條獨家】疫情暫緩 一家三口公園玩到癲 梁詠琪激罕跑踢追超奔放

2020-05-13 21:17
母親節當日,梁詠琪同西班牙籍丈夫Sergio帶愛女Sofía去數碼港公園放電。
母親節當日,梁詠琪同西班牙籍丈夫Sergio帶愛女Sofía去數碼港公園放電。

剛過去的母親節,不少「星級父母」都獲子女送花、送禮、陪食飯慶祝,而44歲的梁詠琪(Gigi)就倒番轉,母親節當日同西班牙籍丈夫Sergio帶愛女Sofía去數碼港公園放電。呢位44歲「廿四孝媽咪」仲兩個鐘無間斷陪個女踢波、拋飛碟、丟手巾,全程瘋狂大笑玩得好投入,其間還High到舉晒手,「奔放Gigi」大家見過未?採訪:張詠森

母親節當日,梁詠琪同西班牙籍丈夫Sergio帶愛女Sofía去數碼港公園放電。
母親節當日,梁詠琪同西班牙籍丈夫Sergio帶愛女Sofía去數碼港公園放電。
Gigi捧住食物起勢跑,被追的小朋友仆住坐低,好激烈的丟手巾遊戲!
Gigi捧住食物起勢跑,被追的小朋友仆住坐低,好激烈的丟手巾遊戲!

自8年多前閃嫁拍拖半年的Sergio,並於2015年誕下女兒Sofía後,梁詠琪便大大減產專心做賢妻良母,又不時於社交網晒混血囡囡的萌照,不少網民都大讚Sofía似足《怪獸公司》入面的「阿Boo」咁得意!眨吓眼Sofía已經5歲,由於新冠肺炎疫情嚴峻,一直停課的她早前隨父母留在西班牙休假,直至3月初才回港,抗疫期間Sofía都好乖,得閒便在家中幫手掃地、抹枱,而Gigi就化身「疫境廚神」,整吓蛋糕、麵包、手工拌麵等過日晨。

巨人捉細路
見連續廿多日零本地感染個案,本周日Gigi夫婦便帶囡囡去數碼港公園唞氣。當日下午1時許,一家三口拎齊帳篷、大袋食物會好友,Sofía到埗冇耐便同朋友仔玩得好投入,玩拋波玩到哈哈大笑,成班家長秒變「龍友」追住仔女狂影,之後Gigi仲落場玩埋一份,呢位媽咪好鬼馬,見阿女追住個波跑,佢就笑晒口將個波愈踢愈遠,結果搞到追空氣嘅Sofía冇癮行開!後來,眾人又圍圈坐地下玩丟手巾,身高1.76米的Gigi更盡顯「好勝」一面,面對被追的小豆丁,她都不顧一切捧住盒嘢食大步狂追,嚇到個妹豬仆住坐番埋位,場面爆笑!

趁疫情暫時緩和,Gigi一家三口約埋朋友仔去公園玩,臨走前來個大合照。
趁疫情暫時緩和,Gigi一家三口約埋朋友仔去公園玩,臨走前來個大合照。
攬住大波波跑的Sofía而家先5歲人仔,已經遺傳到媽咪一雙長長美腿!
攬住大波波跑的Sofía而家先5歲人仔,已經遺傳到媽咪一雙長長美腿!

玩足兩個鐘
中場休息,兩母女就回到樹蔭下飲水叉電,在32度高溫下跑完一輪,Gigi已跪低兼面都紅晒,但好快她又企番起身陪囡囡踢波、拋飛碟;隨後,全程負責睇住啲袋的爸爸終於加入放風箏,年過40的Gigi體力可謂非一般!逗留約兩小時後,眾人影埋大合照、執好東西便散Band,Gigi一家都乖乖戴番口罩先離開。行去攞車期間,Sergio發現有記者也即禮貌Say hi,問到囡囡送甚麼作母親節禮物?Gigi稱:「都係學校嗰啲勞作。(開心?)最緊要健健康康就開心。(夜晚點慶祝?)玩咗半日好攰呀,都係同家人喺屋企食飯。」

Gigi故意將個大波波愈踢愈遠,見到囡囡追到索晒氣,她即笑晒。
Gigi故意將個大波波愈踢愈遠,見到囡囡追到索晒氣,她即笑晒。
一班大人細路都玩得好投入,Gigi對住囡囡也笑得特別燦爛!
一班大人細路都玩得好投入,Gigi對住囡囡也笑得特別燦爛!
Gigi就像風一般的女子追住囡囡跑,好飄逸!
Gigi就像風一般的女子追住囡囡跑,好飄逸!
一家三口中場於樹蔭下唞暑,Gigi玩到面都紅晒!
一家三口中場於樹蔭下唞暑,Gigi玩到面都紅晒!
休息咗一陣,44歲Gigi又企番起身同囡囡拋飛碟。
休息咗一陣,44歲Gigi又企番起身同囡囡拋飛碟。
一路負責睇袋的Sergio終於落場,幫母女影相兼陪放風箏。
一路負責睇袋的Sergio終於落場,幫母女影相兼陪放風箏。
玩足兩個鐘,Gigi一家便戴回口罩、執齊嘢返屋企。
玩足兩個鐘,Gigi一家便戴回口罩、執齊嘢返屋企。
Stay home避炎期間,兩母女除了一起下廚外……
Stay home避炎期間,兩母女除了一起下廚外……
Gigi亦有陪囡囡畫畫、整勞作解悶,早前她們就親繪了一張浴簾。
Gigi亦有陪囡囡畫畫、整勞作解悶,早前她們就親繪了一張浴簾。
關鍵字

最新回應

關鍵字

相關新聞

熱門文章