【父子檔】新歌《日月》MV搵老竇幫拖演出 關智斌:家用會加番

2020-05-14 11:30
Kenny新歌《日月》MV搵來老竇演出。
Kenny新歌《日月》MV搵來老竇演出。

關智斌(Kenny)剛推出新歌《日月》,由多年戰友陳子龍作曲、編曲及監製,這首度身訂造之作,他坦言第一次聽到旋律便十分喜歡,「特別係一開始的嘅鋼琴聲,一聽到就覺得好感動。」《日月》講述人的一生遇過很多人,當中不乏在困難時伸手扶持、讓我們倚靠的人,親如家人;疏如短暫共事的同事,他們的幫助或鼓勵有時可能只是微不足道,卻令你銘記於心,一點一滴累積下來,正正成就了今天的自己,「所以呢隻歌我想送俾所有呢啲喺我生命中幫助過我嘅人。」錄音時,Kenny亦嘗試了多種不同的方式演繹歌曲,「最後試到用一種暖男嘅感覺唱出呢首歌,因為想俾到大家一種好warm嘅感覺。」

Kenny新歌《日月》MV搵來老竇演出。
Kenny新歌《日月》MV搵來老竇演出。
Kenny 𥄫實關爸爸化妝和整頭。
Kenny 𥄫實關爸爸化妝和整頭。


歌曲MV由陳詠燊執導,內容講述老一輩用自己手藝養育下一代及上一代,以裁縫一角說出三代關係,Kenny大讚故事性強,演員方面特別找來去年憑《三夫》入圍「香港電影金像獎—最佳新演員」的陳湛文(Peter),除此之外,MV更請來一位神秘嘉賓,「就係我Daddy!阿關老先生啦!」問到為何找父親出演角色,Kenny解釋:「因為同導演一齊去create呢個故仔嘅時候,大家諗由老、中、青三代角度去拍攝,故事入面嘅爸爸係犧牲咗好多自己嘅時間,成全咗三代人嘅幸福,好似我爸爸做緊嘅嘢咁。我突然間諗到既然呢首歌係講喺我生命中對我好重要嘅人,加上『爺爺』呢個角色戲份唔算好重,又唔使做好多戲,所以我就諗不如叫我Daddy去試吓。」

Kenny大讚關爸爸拍攝時表現專業。
Kenny大讚關爸爸拍攝時表現專業。
Kenny邀來陳詠燊(後中)執導,以及陳湛文(後左)演出。
Kenny邀來陳詠燊(後中)執導,以及陳湛文(後左)演出。


Kenny更透露拍攝MV「咪嘴」部份時,唱到歌詞「捱壞了幾多無從逃避才學會這叫成長滋味」一時感觸唱不下去,「腦入面諗起好多同我Daddy嘅片段,突然觸動到,呢一部份都有剪埋落MV入面。」


MV拍攝現場,首次幕前演出的關爸爸坦然十分緊張,不過Kenny卻大讚父親表現專業,「最開心係見到我Daddy拍攝得好開心。見到佢化妝、整頭、埋位都好專業,令我都發現我嘅演藝天份原來可能都係來自於我爸爸。」原來關爸爸在學生時代曾被老師選中當話劇男主角,不過關爸爸因為對白太多而拒絕,Kenny立即大呻:「你知唔知你個仔我,真係要艱辛咗好多年先至可以做男主角呀老竇?」關爸爸亦隨即安慰,「咁我唔係(演戲)嗰塊材料吖嘛!𠵱家咪留番俾你囉!」十分搞笑。除了當話劇在男主角,關爸爸亦透露當年畢業後打算投考電視台的藝員訓練班,可惜最後欠缺勇氣而告吹,在旁的Kenny聽到後笑說:「好彩你冇咋,如果唔係到時未必生我出嚟,如果唔係邊有咁快追咗我阿媽番嚟,到時我分分鐘未出世,𠵱家咪冇得坐喺度叫你拍MV?哈哈!」Kenny表示沒想過請得老父出山,問到酬勞會否特別加碼,Kenny笑言:「係搭膊頭,因為家用我會酌量加番啲。」

MV中,Kenny以說書人身份演出。
MV中,Kenny以說書人身份演出。

最新回應

關鍵字

相關新聞

熱門文章