星岛日报

【头条独家】疫情暂缓 一家三口公园玩到癫 梁咏琪激罕跑踢追超奔放

2020-05-13 21:17
母亲节当日,梁咏琪同西班牙籍丈夫Sergio带爱女Sofía去数码港公园放电。
母亲节当日,梁咏琪同西班牙籍丈夫Sergio带爱女Sofía去数码港公园放电。

刚过去的母亲节,不少「星级父母」都获子女送花、送礼、陪食饭庆祝,而44岁的梁咏琪(Gigi)就倒番转,母亲节当日同西班牙籍丈夫Sergio带爱女Sofía去数码港公园放电。呢位44岁「廿四孝妈咪」仲两个钟无间断陪个女踢波、抛飞碟、丢手巾,全程疯狂大笑玩得好投入,其间还High到举晒手,「奔放Gigi」大家见过未?采访:张咏森

母亲节当日,梁咏琪同西班牙籍丈夫Sergio带爱女Sofía去数码港公园放电。
母亲节当日,梁咏琪同西班牙籍丈夫Sergio带爱女Sofía去数码港公园放电。
Gigi捧住食物起势跑,被追的小朋友仆住坐低,好激烈的丢手巾游戏!
Gigi捧住食物起势跑,被追的小朋友仆住坐低,好激烈的丢手巾游戏!

自8年多前闪嫁拍拖半年的Sergio,并于2015年诞下女儿Sofía后,梁咏琪便大大减产专心做贤妻良母,又不时于社交网晒混血囡囡的萌照,不少网民都大赞Sofía似足《怪兽公司》入面的「阿Boo」咁得意!眨吓眼Sofía已经5岁,由于新冠肺炎疫情严峻,一直停课的她早前随父母留在西班牙休假,直至3月初才回港,抗疫期间Sofía都好乖,得闲便在家中帮手扫地、抹枱,而Gigi就化身「疫境厨神」,整吓蛋糕、面包、手工拌面等过日晨。

巨人捉细路
见连续廿多日零本地感染个案,本周日Gigi夫妇便带囡囡去数码港公园唞气。当日下午1时许,一家三口拎齐帐篷、大袋食物会好友,Sofía到埗冇耐便同朋友仔玩得好投入,玩抛波玩到哈哈大笑,成班家长秒变「龙友」追住仔女狂影,之后Gigi仲落场玩埋一份,呢位妈咪好鬼马,见阿女追住个波跑,佢就笑晒口将个波愈踢愈远,结果搞到追空气嘅Sofía冇瘾行开!后来,众人又围圈坐地下玩丢手巾,身高1.76米的Gigi更尽显「好胜」一面,面对被追的小豆丁,她都不顾一切捧住盒嘢食大步狂追,吓到个妹猪仆住坐番埋位,场面爆笑!

趁疫情暂时缓和,Gigi一家三口约埋朋友仔去公园玩,临走前来个大合照。
趁疫情暂时缓和,Gigi一家三口约埋朋友仔去公园玩,临走前来个大合照。
揽住大波波跑的Sofía而家先5岁人仔,已经遗传到妈咪一双长长美腿!
揽住大波波跑的Sofía而家先5岁人仔,已经遗传到妈咪一双长长美腿!

玩足两个钟
中场休息,两母女就回到树荫下饮水叉电,在32度高温下跑完一轮,Gigi已跪低兼面都红晒,但好快她又企番起身陪囡囡踢波、抛飞碟;随后,全程负责睇住啲袋的爸爸终于加入放风筝,年过40的Gigi体力可谓非一般!逗留约两小时后,众人影埋大合照、执好东西便散Band,Gigi一家都乖乖戴番口罩先离开。行去攞车期间,Sergio发现有记者也即礼貌Say hi,问到囡囡送甚么作母亲节礼物?Gigi称:「都系学校嗰啲劳作。(开心?)最紧要健健康康就开心。(夜晚点庆祝?)玩咗半日好攰呀,都系同家人喺屋企食饭。」

Gigi故意将个大波波愈踢愈远,见到囡囡追到索晒气,她即笑晒。
Gigi故意将个大波波愈踢愈远,见到囡囡追到索晒气,她即笑晒。
一班大人细路都玩得好投入,Gigi对住囡囡也笑得特别灿烂!
一班大人细路都玩得好投入,Gigi对住囡囡也笑得特别灿烂!
Gigi就像风一般的女子追住囡囡跑,好飘逸!
Gigi就像风一般的女子追住囡囡跑,好飘逸!
一家三口中场于树荫下唞暑,Gigi玩到面都红晒!
一家三口中场于树荫下唞暑,Gigi玩到面都红晒!
休息咗一阵,44岁Gigi又企番起身同囡囡抛飞碟。
休息咗一阵,44岁Gigi又企番起身同囡囡抛飞碟。
一路负责睇袋的Sergio终于落场,帮母女影相兼陪放风筝。
一路负责睇袋的Sergio终于落场,帮母女影相兼陪放风筝。
玩足两个钟,Gigi一家便戴回口罩、执齐嘢返屋企。
玩足两个钟,Gigi一家便戴回口罩、执齐嘢返屋企。
Stay home避炎期间,两母女除了一起下厨外……
Stay home避炎期间,两母女除了一起下厨外……
Gigi亦有陪囡囡画画、整劳作解闷,早前她们就亲绘了一张浴帘。
Gigi亦有陪囡囡画画、整劳作解闷,早前她们就亲绘了一张浴帘。

最新回应

關鍵字

相關新聞

热门文章