被劉佩玥嘲露肉拉低收視　C君自爆遭陸永囡囡恥笑

劉佩玥及鄭詩君（C君）昨晚出席購物直播活動宣傳新劇《降魔的2.0》，提到C君在劇中露肉打格仔，劉佩玥笑他露肉拉低收視，C君即抵死稱：「露完收視立即回升！小朋友好鐘意睇，陸永個女都對住我不斷笑，可能終於有個成年人被佢哋恥笑，如果劉佩玥唔着嘅話，相信大人細路都喜歡。」劉佩玥就大讚C君敬業樂業，拍攝時只有9度，又凍又大風，但C君只穿斗篷，停機大家立即幫他着衫遮住要害。

說到平日也有網購習慣，劉佩玥表示無論衫、鞋、零食及得意東西也忍不到手，隨即被C君取笑她富有，他還聽劉佩玥說上網買樓。劉佩玥則否認：「網購送上門只係唔想父母辛苦，我係個精明消費者，通常夾埋買可以慳運費。試過上網訂購口罩冇下文以為被騙，好彩1星期後覆返我冇貨退款。」C君稱曾網購外國的音樂器材花費近十萬，太貴也不敢告知太太。