【有第三者？】自爆閨房秘密　 陳柏宇唔鍾意攬住老婆瞓

陳柏宇（Jason）接受網上平台訪談節目訪問，除了談及自己的事業夢外，也大曬與妻女之間的甜美生活。近年Jason人氣有增無減，不過他指未有做成太大壓力，唯一感到緊張的只有一次，「早兩年做紅館特別緊張，因為冇字幕機，同埋第一次做一萬人嘅show，所以嗰次壓力大啲。」很多藝人站在台上，都甚享受台下萬人歡呼一刻，但若然可以揀，Jason寧願不用做宣傳，留多些時間當幕後，無懼減少曝光。Jason說：「可以俾我喺幕後做下導演會好好玩。我唔係好識，但係可以邊做邊學，而且可以將自己累積返嚟嘅經驗變做一件事，都幾過癮。」想不到過去曾為自己的作品《七折》擔任導演的Jason，對導演工作的興趣如此濃厚。

Jason在節目亦有分享生活上的點滴，他自爆睡覺時愛攬住攬枕睡覺，主持人聽到後不禁問他為何不攬住老婆符曉薇（Leanne）瞓，沒想到他竟對提問感到愕然，更立即反駁道：「攬住老婆點瞓呀！？我試過責住自己隻手瞓，痺到起身嘅時候冇咗知覺，係點郁都冇感覺。」Jason更表示，自從女兒Abigail出世後，女兒睡在二人的中間，就更沒有與老婆相擁而睡的可能。說起Abigail，原來Jason與Leanne都愛為女兒改花名，其中Leanne便常常叫女兒做阿標，Jason指這全因Leanne覺得女兒的樣子好似「朱標」，他則愛叫女兒做「Abibu」。廿四孝老竇Jason，平時又會唱歌𠱁女兒，而女兒現在已懂跟着Jason的歌聲點頭或拍手，十分可愛。Jason在節目中，又應主持人要求，即席示範如何唱歌𠱁女兒，又拿起玩具公仔示範如何為女兒換尿片，期間他更分享了換片心得，「有時佢會申手去搲吓、摸吓自己，所以要分散佢嘅注意力，如果唔係佢一摸到臭臭就弊！」Jason更表示，換片後會跟女兒Kiss，盡現慈父一面。