【頭條獨家】隔離期培養整甜品樂趣 阿Sa閃買材料做麻糬波

2020-05-11 20:30
成日傳阿Sa大肚,當日見佢就零孕味,仲好Slim。
成日傳阿Sa大肚,當日見佢就零孕味,仲好Slim。

本於馬來西亞為英皇網絡劇開工的蔡卓妍,3月尾見當地疫情嚴峻關係急急返港,並進行14日家居隔離。完成隔離期後又未有工開,阿Sa同好多抗疫港人一樣培養咗一啲新興趣,有人鍾意下廚有人鍾意畫畫有人鍾意整甜品,阿Sa就中兩樣,畫畫同整甜品都成為新嗜好。日前就喺赤柱見到佢同助手去咗超市買整甜品材料,佢望咗一陣就入手朱古力粉。採訪:張詠森

成日傳阿Sa大肚,當日見佢就零孕味,仲好Slim。
成日傳阿Sa大肚,當日見佢就零孕味,仲好Slim。
阿Sa拎住電話嚟揀嘢。
阿Sa拎住電話嚟揀嘢。

好多人因為疫情手停口停叫晒救命,但阿Sa本身係富婆,最少有五層樓揸手,當然冇影響。4月尾,佢仲要喺業主劈價潮下成功以525萬元賣出西灣河305呎一房樓盤,帳面賺逾百萬。

抗疫冇肥到
坐完隔離監,賣樓又賺過百萬,冇懷孕跡象,仍然好Slim嘅阿Sa日前就同助手現身赤柱,唔知開工定點,之後見佢同助手入咗超市,一入去就去啲買整蛋糕材料嘅位置搵嘢,望咗兩眼再撳吓電話睇相就發現獵物,係一罐朱古力粉,拎上手就直接行去畀錢。事後睇返佢ig,原來佢買朱古力粉整三角朱古力麻糬波波,賣相相當唔錯,想知點整就撳入佢ig慢慢睇,喺度寫埋整法呃字數畀人鬧㗎。

層架放滿粟粉、麵粉、椰漿同朱古力粉。
層架放滿粟粉、麵粉、椰漿同朱古力粉。
畀錢期間阿Sa發現記者。
畀錢期間阿Sa發現記者。

買完即上車離開。
買完即上車離開。
預備焗三角朱古力麻糬波波。
預備焗三角朱古力麻糬波波。
大功告成。
大功告成。
之前阿Sa整嘅麵包。
之前阿Sa整嘅麵包。
阿Sa對畫畫亦好有興趣,仲有愛貓陪畫。
阿Sa對畫畫亦好有興趣,仲有愛貓陪畫。
阿Sa新養嘅貓貓嚦咕。
阿Sa新養嘅貓貓嚦咕。

最新回應

關鍵字

相關新聞

熱門文章