【头条独家】隔离期培养整甜品乐趣 阿Sa闪买材料做麻糬波

本于马来西亚为英皇网络剧开工的蔡卓妍，3月尾见当地疫情严峻关系急急返港，并进行14日家居隔离。完成隔离期后又未有工开，阿Sa同好多抗疫港人一样培养咗一啲新兴趣，有人锺意下厨有人锺意画画有人锺意整甜品，阿Sa就中两样，画画同整甜品都成为新嗜好。日前就喺赤柱见到佢同助手去咗超市买整甜品材料，佢望咗一阵就入手朱古力粉。采访:张咏森

好多人因为疫情手停口停叫晒救命，但阿Sa本身系富婆，最少有五层楼揸手，当然冇影响。4月尾，佢仲要喺业主劈价潮下成功以525万元卖出西湾河305尺一房楼盘，帐面赚逾百万。

抗疫冇肥到
坐完隔离监，卖楼又赚过百万，冇怀孕迹象，仍然好Slim嘅阿Sa日前就同助手现身赤柱，唔知开工定点，之后见佢同助手入咗超市，一入去就去啲买整蛋糕材料嘅位置搵嘢，望咗两眼再揿吓电话睇相就发现猎物，系一罐朱古力粉，拎上手就直接行去畀钱。事后睇返佢ig，原来佢买朱古力粉整三角朱古力麻糬波波，卖相相当唔错，想知点整就揿入佢ig慢慢睇，喺度写埋整法呃字数畀人闹㗎。