星島日報

【維港會】港男與妻子成功上車 公屋父母要求齊住私樓享福

2020-05-05 19:18
置業仍然是港人最關注的問題。示意圖
置業仍然是港人最關注的問題。示意圖

上樓一直都是港人夢想,但是香港樓價高企,房屋問題是多年來難以解決的問題,亦阻礙年輕人成家立室的夢想,部分更結婚後與家人同住細小單位。一名港男近日在網上發文抱怨,指自己經歷艱辛與妻子儲錢多年終於成功「上車」買樓,期待入住私樓脫貧,享受二人生活。但是父母竟以「成世人冇住過私樓及要享福」為由,要求一齊住。令他不禁大呻道:「點解要嚟拖我後腿?」

該名港男前日(3日)在網上討論區「連登」發帖,指自己與妻子儲錢多年成功「上車」,但住公屋的父母得悉後,要求四人一齊住,令他大感無奈,「佢哋話成世人冇住過私樓,要享福,係囉,都怪我廢囉,冇本事買多層樓畀兩老」。

其後他又抱怨父母的要求,批評兩老當年不顧家庭經濟條件不佳,仍生3個孩子,且「生著兩件廢青,得我一件出人頭地」。他透露,自小家境不富裕,都是自己努力半供讀才得以有今日,「大學學費要自己借,生活費、hall、fee(宿舍費用)半工讀自己搞掂吧。」他最後難洩心頭怒火炮轟父母,「出咗身咁多年我想脫貧喇,點解要嚟拖我後腿?家用我都冇畀少喇,再畀多啲同幫你養埋兩件廢青冇分別,享福?兩公婆供樓畀你享福?」

事件引起網民熱議,有網民完全理解港男的感受,「有兩間屋唔住,要迫哂咁多人喺一間屋」、「你都出咗身,有自己的家庭,而佢哋又有公屋住,覺得要同佢哋講清楚」、「香港嘅住房空間咁細仲要逼入去,公屋仲要放棄?傻咗」。

不過亦有網民不認同,「始終都喺你父母,唔使去到咁絕嘅」、「你點對父母=以後你自己嘅小朋友點對你」等。不過,亦有人提議「不如你夾少少錢,畀佢地裝修下間公屋,我覺得你要同佢哋講清楚,又唔係冇得住。」

香港樓價高企,房屋問題是多年來難以解決的問題。資料圖片
香港樓價高企,房屋問題是多年來難以解決的問題。資料圖片

及後港男在帖文中留言回覆最新情況,表示決定向父母攤牌,列出9點解釋道:

1.而家搬咗去老婆屋企(居屋)暫住
2.我按九成,750萬500零呎兩房,預計大半年後入伙
3.兩公婆加埋搵70幾k(7萬多元),首期連費用使晒積蓄百零萬
4.而家搬咗去老婆屋企暫住,外家都明白
5.媽媽冇返工,老豆早年生意失敗後仲要生我2個細佬,咬過老綜(綜援)
6.老豆近年揸的士就冇咬,但都無儲過錢
7.講明再嘈cut家用,我家用已經盡晒責任,要更多嘅點解唔問兩件廢青拎
8.隊咗份公屋除名表畀戶主老豆簽,佢唔肯簽嘅準備全家瞓街
9.我有2個細佬,1個真廢青冇返工,1個返炒散月光族洗腳唔抹腳

最新回應

關鍵字

相關新聞

熱門文章