星岛日报

【维港会】港男与妻子成功上车 公屋父母要求齐住私楼享福

2020-05-05 19:18
置业仍然是港人最关注的问题。示意图
置业仍然是港人最关注的问题。示意图

上楼一直都是港人梦想,但是香港楼价高企,房屋问题是多年来难以解决的问题,亦阻碍年轻人成家立室的梦想,部分更结婚后与家人同住细小单位。一名港男近日在网上发文抱怨,指自己经历艰辛与妻子储钱多年终于成功「上车」买楼,期待入住私楼脱贫,享受二人生活。但是父母竟以「成世人冇住过私楼及要享福」为由,要求一齐住。令他不禁大呻道:「点解要嚟拖我后腿?」

该名港男前日(3日)在网上讨论区「连登」发帖,指自己与妻子储钱多年成功「上车」,但住公屋的父母得悉后,要求四人一齐住,令他大感无奈,「佢哋话成世人冇住过私楼,要享福,系罗,都怪我废罗,冇本事买多层楼畀两老」。

其后他又抱怨父母的要求,批评两老当年不顾家庭经济条件不佳,仍生3个孩子,且「生著两件废青,得我一件出人头地」。他透露,自小家境不富裕,都是自己努力半供读才得以有今日,「大学学费要自己借,生活费、hall、fee(宿舍费用)半工读自己搞掂吧。」他最后难泄心头怒火炮轰父母,「出咗身咁多年我想脱贫喇,点解要嚟拖我后腿?家用我都冇畀少喇,再畀多啲同帮你养埋两件废青冇分别,享福?两公婆供楼畀你享福?」

事件引起网民热议,有网民完全理解港男的感受,「有两间屋唔住,要迫哂咁多人喺一间屋」、「你都出咗身,有自己的家庭,而佢哋又有公屋住,觉得要同佢哋讲清楚」、「香港嘅住房空间咁细仲要逼入去,公屋仲要放弃?傻咗」。

不过亦有网民不认同,「始终都喺你父母,唔使去到咁绝嘅」、「你点对父母=以后你自己嘅小朋友点对你」等。不过,亦有人提议「不如你夹少少钱,畀佢地装修下间公屋,我觉得你要同佢哋讲清楚,又唔系冇得住。」

香港楼价高企,房屋问题是多年来难以解决的问题。资料图片
香港楼价高企,房屋问题是多年来难以解决的问题。资料图片

及后港男在帖文中留言回覆最新情况,表示决定向父母摊牌,列出9点解释道:

1.而家搬咗去老婆屋企(居屋)暂住
2.我按九成,750万500零尺两房,预计大半年后入伙
3.两公婆加埋搵70几k(7万多元),首期连费用使晒积蓄百零万
4.而家搬咗去老婆屋企暂住,外家都明白
5.妈妈冇返工,老豆早年生意失败后仲要生我2个细佬,咬过老综(综援)
6.老豆近年揸的士就冇咬,但都无储过钱
7.讲明再嘈cut家用,我家用已经尽晒责任,要更多嘅点解唔问两件废青拎
8.队咗份公屋除名表畀户主老豆签,佢唔肯签嘅准备全家瞓街
9.我有2个细佬,1个真废青冇返工,1个返炒散月光族洗脚唔抹脚

最新回应

關鍵字

相關新聞

热门文章