【維港會】男童跳沙發嫲嫲持刀威脅斬腳 媽媽拍片申公屋

所謂「生仔要考牌」，教育小朋友都是一門學問，不是每個家長的「教仔經」都正確。網上流傳一條短片，一名男童瀨尿後在沙發上跳，嫲嫲就拿出菜刀威嚇，更作狀要斬腳。更令網民憤怒的是，男童的媽媽沒有介入，反而將過程全程拍下，疑似為了申請公屋。

「生仔要考牌系列」Facebook專頁分享網民的影片，片中見到一名男童不斷抱著攬枕尖叫，男童說「我瀨尿整濕咗啊」，而嫲嫲則手持菜刀斥責男童「仲跳唔跳？」更把刀對著男童的腳板，作狀要斬腳。影片拍攝者，相信是男童的媽媽，未有介入之餘，只是淡定出言叫男童「唔跳啦」。網民更附上一張Whatsapp截圖，疑似是男童媽媽說「你地覺得拿呢段片去房署會否快點有公屋」。

當其他網民指責這種教育方法等同虐兒之時，專頁又再發新帖文，有人私信專頁，指自己認識片中的媽媽，其實她是想留證據保護自己的小朋友，想快點申請到公屋，不用再和嫲嫲住。「佢今朝都有報平安話自己同小朋友搬咗返娘家，問題尚算解決，但佢呢頭報完平安，果頭就比人cap圖post左FB，仲斷章取義話佢唔理自己小朋友。」

不過其他網民似乎就對這個說法不甚相信，有人更質疑這位私信的網民是否就是當事媽媽，「講乜都冇用，家陣係拎刀喎」、「見到個99拎住把刀嚇自己個仔唔係第一時間阻止而係拍片，我唔理解囉」，亦有人批評「重點都係為左間公屋」「究竟佢係想分屋定係呃公屋？」。