【維港會】蔡嘉欣行山相晒身材 一句「感謝疫情」惹眾怒

落選港姐蔡嘉欣，一入行即被TVB力捧做《姊妹淘》主持。最近她分享兩張行山相，和家人一齊去做運動，身高172cm的嘉欣穿上緊身運動褲大晒修長美腿，身材Fit爆。不過帖文被大批網民閙爆，原因在於開頭第一句，嘉欣就説「感謝疫情，喚醒了我們家沉睡多年的運動基因，咁多年嚟從未同屋企人行過山」，被網民狠批這種情況下居然感謝疫情。

嘉欣在分享到千島湖清景台行山的相片，「不過為了響應政府的限聚令，我哋5人家庭，每次只能4人出動，繼上星期佢哋4個自私行，今日終於成功賣甩我家姐，不過我覺得作為呀妹...，下次都係尊重敬畏家姐好，下次讓返個位俾你」。

雖然靚人靚景，但網民都不收貨，「死咗咁多人，仲要感謝呢個疫情？就係因為喚醒你做運動？？Like唔系咁呃的吧」、「係針未到吉到肉，未有你身邊人確診然後死，有嘅話睇下你講唔講得出，發放乜嘢正能量，比人笑你無腦咋」。而因為太多網民負評，嘉欣已經將第一句「感謝疫情」改為「這段日子」。