星島日報

【頭條獨家】廚藝升級 快樂抗疫現幸福肥 JW攬實富貴男友放狗

2020-04-20 21:02
有愛情滋潤的JW自然心廣體胖,上周日同男友去放狗時,其大髀、手臂都明顯發福不少!
有愛情滋潤的JW自然心廣體胖,上周日同男友去放狗時,其大髀、手臂都明顯發福不少!

抗疫期間經常留家煮飯仔,令不少人的廚藝進步神速,連人稱「新一代地獄廚神」的JW(王灝兒)都廚技Level up,這陣子,不單止餵飽卓悅太子爺男友葉韋彤(Tarzan),有愛情滋潤的她都明顯心廣體胖!上周日(12日),JW終於「出關」同Tarzan拍住拖去數碼港公園放狗,估唔到冇見「真身」約1個月,JW的大髀、手臂也發福不少,同大隻男友拉近咗少少距離的JW同男友攬到實於夕陽下影合照,Wow,其實嫁得咯喎!採訪:張詠森

有愛情滋潤的JW自然心廣體胖,上周日同男友去放狗時,其大髀、手臂都明顯發福不少!
有愛情滋潤的JW自然心廣體胖,上周日同男友去放狗時,其大髀、手臂都明顯發福不少!
閉關期間狂下廚,陪住男友密密食的JW身形發福不少。
閉關期間狂下廚,陪住男友密密食的JW身形發福不少。

新冠肺炎肆虐,不少藝人都選擇留家避「炎」,早前拍竣無綫劇《逆天奇案》的JW,趁不用開工便「宅」在家中執吓屋;有「新一代地獄廚神」之稱的她,更埋首鑽研廚藝,先後煮意粉、壽喜燒、煎餃子,仲焗埋蛋糕餵飽男友Tarzan!跟住對方密密食的JW,亦自然一起「幸福肥」,不過眼見夏天即將來臨,她都不敢怠慢,上月底自創「Hit & Squat Ping Pong」,還個個禮拜同Tarzan喺屋企打乒乓球break and burn!

放狗無鬆懈
將近1個月沒有公開露面的JW於上周日,就以一身全黑運動Look,與Tarzan一同帶住愛犬Cassi和Mallow到數碼港公園散步。當日下午4時許,雖然現場不少人都零防護,盡情享受自由氣息,但二人丁點都沒有鬆懈,全程乖乖哋戴住口罩放狗;在海旁長櫈休息期間,他們更遵從專家建議隔開坐,保持適當的社交距離,防疫意識十分高。不過其間,一向甜美又Lady的JW卻忽然「大媽」上身,豪邁地擘大雙腿坐,跟身旁的Tarzan可謂「神同步」,撞晒Pose!

見夕陽景色幾靚,小倆口即叫途人幫手影合照,大家都好落力踎低影。
見夕陽景色幾靚,小倆口即叫途人幫手影合照,大家都好落力踎低影。
穿貼身運動裝的JW,手腳明顯脹卜卜。
穿貼身運動裝的JW,手腳明顯脹卜卜。

脹卜卜龍友
未知「閉關」的日子是否太放鬆呢?當JW一轉身拎水樽時,在猛烈的陽光照射下,其一雙脹卜卜手臂與大腿即無所遁形,好在有大大隻男友喺身邊,JW依舊顯得好嬌小。待愛犬於草皮狂奔一輪後,二人再回到長椅各自玩手機,見日落景色唔錯,JW又化身「龍友」不斷踎低為愛犬影靚相,Tarzan見狀亦識做地幫忙叫停狗狗,讓Cassi和Mallow「定型」給女友多角度喪拍。臨走前,Sweet爆的他們又請途人揸機影合照,最終逗留至6點多便駕車離開。

JW烏低身餵狗仔Cassi飲水,穿V領T-shirt的她都好小心,用手按住心口防走光。
JW烏低身餵狗仔Cassi飲水,穿V領T-shirt的她都好小心,用手按住心口防走光。
難得同狗仔出街街,JW亦趁機幫愛犬影靚相。
難得同狗仔出街街,JW亦趁機幫愛犬影靚相。
見狗仔跑來跑去,Tarzan即出馬叫停狗狗,讓女友慢慢影。
見狗仔跑來跑去,Tarzan即出馬叫停狗狗,讓女友慢慢影。
JW不忘跟男友分享下自己影的作品。
JW不忘跟男友分享下自己影的作品。
JW早已見晒家長,今年農曆新年仲同男友一家影全家福,相信婚期不遠矣。
JW早已見晒家長,今年農曆新年仲同男友一家影全家福,相信婚期不遠矣。
JW日前晒出2年前的舊照,當時她雙腿纖幼,身形Fit爆!
JW日前晒出2年前的舊照,當時她雙腿纖幼,身形Fit爆!
人稱「新一代地獄廚神」的JW在Stay home避「炎」期間,不時下廚整嘢畀Tarzan和朋友食,大家仲次次都清晒碟,看來她的廚藝進步不少。
人稱「新一代地獄廚神」的JW在Stay home避「炎」期間,不時下廚整嘢畀Tarzan和朋友食,大家仲次次都清晒碟,看來她的廚藝進步不少。

最新回應

關鍵字

相關新聞

熱門文章