【頭條獨家】年初賣樓賺600萬港元李樂詩超市大手掃貨

2020-04-19 19:00

唔經唔覺，TVB處境劇《真情》原來已經面世25年，主題曲嘅歌詞「笑聲笑聲滿載溫馨，快樂發心內」仲好有印象。日前就見到唱主題曲嘅李樂詩(Joyce)同老公去咗銅鑼灣時代廣場地庫超市買嘢，年初賣樓賺咗600萬港元嘅佢買嘢買得好疏爽，話咁快買到成車滿晒。採訪:梁志明

2月尾有報道指李樂詩在本港錄得首宗新冠肺炎確診個案前沽出位於深井東村的村屋物業。土地註冊處資料顯示，單位以1200萬元易手，以全幢面積約2100平方呎計，呎價5714元。資料顯示李樂詩於15年5月以610萬元購入，持貨近5年，帳面獲利590萬元，物業升值97%。

全部食物
日前晚上7點，賺咗600萬嘅李樂詩撇低三個仔同老公去行超市，見兩人乜都睇，沙律醬、意粉醬、意大利雪葩、火腿等，揀咗一陣全部掃晒上手推車，應該夠食一星期，兩公婆一直有商有量，行足幾個圈買夠就埋單，Joyce着返件薄羽絨，再拎住一袋食物同老公搭的士返歸。